ਹੰਝੂ ਛੁੱਪਾ ਲੈਂਦੇ ਹਾਂ

ਵੇਖ ਕੇ ਮੱਤਲਬੀ ਲੋਕਾਂ ਨੂੰ
ਹੰਝੂ ਆਪਣੇ ਛੁੱਪਾ ਲੈਂਦੇ ਹਾਂ
ਕਾਲਾ ਚਸ਼ਮਾ ਲੱਗਾ ਲੈਂਦੇ ਹਾਂ

ਆਉਂਦੇ ਜਾਂਦੇ ਕੋਲੋ ਲੰਘਦੇ
ਮੂੰਹ ਫੇਰ ਕੇ ਇਕੱਲਾ ਛੱਡਦੇ
ਮਾੜੇ ਬੰਦੇ 'ਚ ਕਮੀਆਂ ਲੱਭਦੇ
ਦੁਨੀਆਂ ਦਾ ਦਸਤੂਰ ਸਮਝ ਕੇ
ਦਿਲ ਆਪਣਾ ਸਮਝਾ ਲੈਂਦੇ ਹਾਂ
ਹੰਝੂ ਆਪਣੇ ਛੁੱਪਾ ਲੈਂਦੇ ਨੇ
ਕਾਲਾ ਚਸ਼ਮਾ ਲੱਗਾ ਲੈਂਦੇ ਹਾਂ

ਔਕੜ ਵੇਲੇ ਕੰਮ ਨਾ ਆਉਂਦੇ
ਗੱਲ-ਗੱਲ ਤੇ ਨੇ ਸਤਾਉਂਦੇ
ਸੁਪਨੇ ਵਿੱਚ ਆ ਡਰਾਉਂਦੇ
ਮਿੱਠੀਆਂ ਗੱਲਾ 'ਚ ਫਸਾਉਂਦੇ ਵੇਖ ਕੇ
ਦੂਰੀ ਹੋਰ ਵਧਾ ਲੈਂਦੇ ਹਾਂ
ਹੰਝੂ ਆਪਣੇ ਛੁੱਪਾ ਲੈਂਦੇ ਹਾਂ
ਕਾਲਾ ਚਸ਼ਮਾ ਲੱਗਾ ਲੈਂਦੇ ਹਾਂ