ਉਦਾਸ ਨਾ ਹੋਇਆ ਕਰ

ਰਿਸ਼ਤਿਆਂ ਨਾਲ ਵੇਖ ਨਿਭਾ ਕੇ
ਕਿਸੇ ਨਾਲ ਵੇਖ ਹੰਢਾ ਕੇ
ਕਿਸੇ ਦੇ ਗਲਵਕੜੀ ਪਾ ਕੇ
ਕਿਸੇ ਨਾਲ ਵਿਸ਼ਵਾਸ ਬਣਾ ਕੇ
ਦਿਲ ਦੀ ਗੱਲ ਨਾ ਲੁਕੋਇਆ ਕਰ
ਐਵੇਂ ਉਦਾਸ ਨਾ ਹੋਇਆ ਕਰ
ਇੱਕ ਤੂੰ ਉਦਾਸ ਨਾ ਹੋਇਆ ਕਰ

ਭੋਲੀ ਜਿਹੀ ਸੂਰਤ ਬਣਾ ਕੇ
ਚਿਹਰੇ ਤੇ ਮੁਸਕਾਨ ਲਿਆ ਕੇ
ਰੋਜ਼ ਨਵੇਂ ਸੁਪਨੇ ਸਜਾ ਕੇ
ਅੱਖਾ ਚੋਂ ਨਾ ਹੰਝੂ ਚੋਇਆ ਕਰ
ਐਵੇਂ ਉਦਾਸ ਨਾ ਹੋਇਆ ਕਰ
ਇੱਕ ਤੂੰ ਉਦਾਸ ਨਾ ਹੋਇਆ ਕਰ

ਦੁਨੀਆਂ ਭਰ ਦੇ ਫਰਜ਼ ਨਿਭਾ ਕੇ
ਆਪਣਾ ਸਾਰਾ ਮਗਜ਼ ਖੱਪਾ ਕੇ
ਹੋਰਾਂ ਲਈ ਆਪਾ ਗਵਾ ਕੇ
ਬਹੁਤਾ ਬੋਝ ਨਾ ਢੋਇਆ ਕਰ
ਐਵੇਂ ਉਦਾਸ ਨਾ ਹੋਇਆ ਕਰ
ਇੱਕ ਤੂੰ ਉਦਾਸ ਨਾ ਹੋਇਆ ਕਰ

ਕੁਦਰਤ ਦੇ ਨਜ਼ਾਰੇ ਵੇਖ ਕੇ
ਕਰਮ ਕਰਕੇ ਸਾਰੇ ਨੇਕ ਜਿਹੇ
ਗੁਰੂ ਘਰ ਮੱਥਾ ਟੇਕ ਕੇ
ਚੈਨ ਦੀ ਨੀਂਦਰ ਸੋਇਆ ਕਰ
ਐਵੇਂ ਉਦਾਸ ਨਾ ਹੋਇਆ ਕਰ
ਇੱਕ ਤੂੰ ਉਦਾਸ ਨਾ ਹੋਇਆ ਕਰ

ਦਿਲ ਦੀ ਗੱਲ ਨਾ ਲੁਕੋਇਆ ਕਰ
ਅੱਖਾ ਚੋਂ ਨਾ ਹੰਝੂ ਚੋਇਆ ਕਰ
ਬਹੁਤਾ ਬੋਝ ਨਾ ਢੋਇਆ ਕਰ
ਚੈਨ ਦੀ ਨੀਂਦਰ ਸੋਇਆ ਕਰ
ਐਵੇਂ ਉਦਾਸ ਨਾ ਹੋਇਆ ਕਰ
ਇੱਕ ਤੂੰ ਉਦਾਸ ਨਾ ਹੋਇਆ ਕਰ