ਛੱਡ ਨਹੀਂ ਸਕਦੇ

ਲੱਖ ਕੋਸ਼ਿਸ਼ ਕਰਨ ਤੇ ਵੀ
ਦਿਲ ਵਿੱਚੋਂ ਕੱਢ ਨਹੀਂ ਸਕਦੇ
ਛੱਡਣ ਦਾ ਦਾਅਵਾ ਤਾਂ ਕਰ ਸਕਦੇ ਹਾਂ
ਪਰ ਤੈਨੂੰ ਛੱਡ ਨਹੀਂ ਸਕਦੇ

ਚਿਹਰੇ ਤੇ ਮੁਸਕਾਨ ਸੱਜਾਈ
ਖੁਸ਼ ਨਜ਼ਰ ਆਉਂਦੇ ਹਾਂ
ਅੰਦਰੋ ਕਿੰਨਾ ਧੁੱਖਦੇ ਹਾਂ
ਇਹ ਤੈਨੂੰ ਦੱਸ ਨਹੀਂ ਸਕਦੇ

ਤੇਰੇ ਲੱਖ ਕਹਿਣ ਤੇ
ਜ਼ਿੰਦਗੀ ਅਗਾਂਹ ਤੋਰਨ ਦੀ
ਕੋਸ਼ਿਸ਼ ਤਾਂ ਕਰ ਸਕਦੇ ਹਾਂ
ਹੋਰ ਕਿਸੇ ਨਾਲ ਵੱਸ ਨਹੀਂ ਸਕਦੇ

ਜੋ ਬੀਤ ਗਿਆ ਭੁੱਲ ਜਾਵਾਂਗੇ
ਕੁਝ ਹੋਰ ਬੇਹਤਰ ਪਾਵਾਂਗੇ
ਕਈ ਵਾਰ ਮਨ ਸਮਝਾਵਾਂਗੇ
ਪਰ ਪਹਿਲਾਂ ਵਾਂਗ ਹੱਸ ਨਹੀਂ ਸਕਦੇ

ਕੲੀ ਕੁਝ ਸੋਚਦੇ ਰਹਿੰਦੇ ਹਾਂ
ਯਾਦ ਆਉਣ ਤੇ ਰੋ ਪੈਂਦੇ ਹਾ
ਕਦੇ ਕਦਾਈ ਸੋ ਜਾਂਦੇ ਹਾਂ
ਹਰ ਵੇਲੇ ਅੱਖਾਂ ਅੱਡ ਨਹੀਂ ਸਕਦੇ
ਛੱਡਣ ਦਾ ਦਾਅਵਾ ਤਾਂ ਕਰ ਸਕਦੇ ਹਾਂ
ਪਰ ਤੈਨੂੰ ਛੱਡ ਨਹੀਂ ਸਕਦੇ